किरातार्जुनीय - इन्द्रिय

जीयंतां दुर्जया देहे रिपवश्चक्षुरादयः ।
जितेषु ननु लोकोऽयं तेषुकृत्स्नस्त्वया जितः ॥

- किरातार्जुनीय

jIyantAm durjayA deha ripavaH cakShuH AdayaH ।
jiteShu nanu loko ayam teShu kRutsnaH tvayA jitaH ॥

- kirAtArjunIya

One must control the enemies with in his own body - eyes and other senses. If one has control over them, then it is equivalent to have won over the whole world.

- Kiratarjuniya

पद्मनंदन वैराग्य शतक - बुद्बुदभंगुरं धनं

ज्ञात्वा बुद्बुदभंगुरं धनमिदं दीपप्रकंपं वपुः
    तारुण्यं तरलेक्षणाक्षितरलं विद्युच्चलं दोर्बलं ।
रे रे जीव गुरुप्रसादवशतः किंचिद्विधेहि द्रुतं
    दानध्यानतपोविधानविषयं पुण्यं पवित्रोचितम् ॥

- पद्मनंदन वैराग्य शतक

jnAtvA budbuda bhanguram dhanam idam dIpa prakampam vapuH
    tAruNyam taralekShaNa akShitaralam vidyccalam dorbalam ।
re re jIva guruprasAdavashataH kinchid vidheha drutam
    dAna dhyAna tapaH vidhAna viShayaM puNyaM pavitrocitam ॥

- padamanandanasya vairAgya shataka

Wealth is as fickle as a bubble on water surface. The body is as uncertain as flick of a flame. Youth is as reliable as the trembling look from the corner of the eye of a damsel. The strength in your arms are like lightning. Given all these uncertainties, one must accumulate good karma as early as possible. Start doing some charity, meditation, penance and other good deeds to earn some good karma.

- Padmanandana Vairagya Shataka

शान्ति शतक - संसार

जन्मेदं वंध्यतां नीतं भवभोगोपलिप्सया ।
काचमूल्येन विक्रीतो हन्त चिंतामणिर्मया ॥

- शान्ति शतक

janma idam vandhyatAm nItam bhavabhoga upalipsayA ।
kAca mUlyena vikrIto hanta cintAmaniH mayA ॥

- shAnti shataka

I have wasted this human life running behind worldly pleasures. It is akin to selling a precious gem for the price of a glass piece.

- Shanti shataka

भागवत - वैराग्य

चीराणि किं पथि न संति दिशंति भिक्षां
    नैवांघ्रिपाः परभृतः सरितोऽप्यशुष्यन् ।
रुद्धा गुहाः किमजितोऽवति नोपसन्नान्
    कस्माद् भजन्ति कवयो धनदुर्मदांधान् ॥

- भागवत

chIrANi kim pathi na santhi dishanti bhikShAm
    naiva anghripAH parabRutaH sarita api ashuShyan ।
ruddhA guhAH kim ajito avati na upasannAn
    kasmAd bhajanti kavayo dhana durmadAndhAn ॥

- bhAgavata

Can we not find torn clothes on the road to cover ourselves? Don't the trees give us food to eat as alms? The good rivers; can they not give us water to drink? Have the caves been closed? Will the Lord not reach out to those who seek his refuge? In spite of all the basic needs taken care of by nature, why do the scholars have to praise the rich people who are blinded by the intoxication of wealth?

- Bhagavata

चण्डकौशिक - धीरः

चलन्ति गिरियः कामं युगान्तपवनाहताः ।
कृच्छ्रेऽपि न चलत्येव धीरणां निश्चलं मनः ॥

- चण्डकौशिक

calanti giriyaH kAmaM yugAnta pavana AhatAH ।
kRuchChre api na chalanti eva dhIraNAm nishcalaM manaH ॥

- chanDakaushika

The the mighty mountains also move under pressure from the winds that blow on the doom's day. Even in extreme trouble, the mind of a courageous person does not waver one bit.

- Chandakaushika

सुभाषितसुधानिधि - वारणः

गिरीन्द्रशिखराकारो लीलयोन्मूलितद्रुमः ।
करिणीस्पर्शसंमोहादालानं याति वारणः ॥

- सुभाषितसुधानिधि

girIndra shikharaH lIlayonmUlilta drumaH ।
kariNI sparsha saMmohAdAlAnaM yAti vAraNaH ॥

- subhAShitasudhAnidhi

A bull elephant that looks like a mountain and capable of uprooting trees just for fun can be chained (and tamed) because of his weakness - longing for the touch of the cow elephant.

- Subhashitasudhanidhi

रामायण - अयोध्या - जरया पुरुषः

गात्रेषु वलयः प्राप्ताः श्वेताश्चैव शिरोरुहाः ।
जरया पुरुषो जीर्णः किं हि कृत्वा प्रभावयेत् ॥

- रामायण, अयोध्या

gAtreShu valayaH prAptAH shvetAH chaiva shiroruhAH ।
jarayA puruSho jIrNaH kiM kRutvA prabhAvayet ॥

- rAmAyaNa, ayodhyA

Wrinkles all over the body, grey hair on the head, weakness in the body - is there anything that can prevent this happening to anybody?

- Ramayana, Ayodhya

गरुड पुराण - मुक्ति

गर्भे व्याधौ श्मशाने च पुराणे या मतिर्भवेत् ।
सा यदि स्थिरतां याति को न मुच्येत बन्धनात् ॥

- गरुड पुराण

garbha vyAdhau shmashAne ca purANe yA matiH bhavet ।
sA yadi sthiratAM yAti ko na muchyate bandhanAt ॥

- garuDa purANa

When in the womb, or ill, or attending a funeral, or listening to the scriptures a man gets some clarity on his thoughts. (In the womb, his mind is not corrupted by the world). If only wisdom found in such situations would stay with them all along; every one would be liberated from this world.

- Garuda Purana

नागानंद - अनित्यता

क्रोडीकरोति प्रथमं जातं नित्यमनित्यता ।
धात्रीव जननी पश्चात्तदा शोकस्य कः क्रमः ॥

- नागानंद

kroDIkaroti prathamaM jAtaM nityaM anityatA ।
dhAtri iva jananI pashcAt tadA shokasya kaH kramaH ॥

- nAgAnandA

As soon as one is born, impermanence embraces him and stays with him all along; even before his mother gets hold of him. That being so, why should anyone feel grief when one finally dies?

- Naganada

प्रबोधसुधाकर - देह

केशावधि नखराग्रादिदमंतः पूतिगन्धसंपूर्णम् ।
बहिरपि जानन् चंदनकर्पूराद्यैर्विलेपयति ॥

- प्रबोधसुधाकर

keshAvadhi nakharAgra Adi damantaH pUtigandha sampUrNam ।
bahirapi jAnan chandana karpUra AdyaiH vilepayati ॥

- prabodhasudhAkara

From the hair to the toenails; the body is filled with stink. Even after knowing so, people mask it by applying sandal and camphor. Stress is on the futility of changing external appearances when the inner core is rotten.

- Prabodhasudhakara

अभिज्ञानशाकुन्तल - परपरिग्रह

कुमुदान्येव शशांकः सविता बोधयति पंकजान्येव ।
वशिनां हि परपरिग्रहसंश्लेषपराज्ञ्मुखी वृत्तिः ॥

- अभिज्ञानशाकुन्तल

kumudAni eva shashAnkaH savitA bodhayati pankajAni eva ।
vashinAM hi paraparigraha saMshleSha parAnmukhI vRutttiH ॥

- abhijnAnashAkuntala

Moon blooms water lilies. Sun blooms the lotuses. Both of them are in the same pond, yet one does not bloom the other flowers. Those who have their sense under control are like the sun and the moon; they have least interest with things that belong to others.

- Abhijnana Shakuntala

रामायण - सुन्दरकाण्ड - क्रोधः

क्रुद्धः पापं न कुर्यात् कः क्रुद्धो हन्याद्गुरूनपि ।
क्रुद्धः पुरुषया वाचा नरः साधूनधिक्षिपेत् ॥

- रामायण, सुन्दरकाण्ड

kRuddhaH pApaM na kuryAt kaH kRuddho hanyadgurUnapi ।
kRuddhaH puruShAya vAchA naraH sAdhUn adhikShipet ॥

- rAmAyana, sundarakAnDa

Who does not commit sins when he is angry? People are known to kill even their teachers even when they are angry. An angry person is even capable of hurting a noble man which could land him in trouble. So, one must not give himself into anger.

- Ramayana, Sundarakanda

प्रश्नोत्तर रत्नमालिका

कुत्र विषं दुष्टजने किमिहाशौचं भवेदृणं नृणाम् ।
किमभयमिह वैराग्यं भयमपि किं वित्तमेव सर्वेषाम् ॥

- प्रश्नोत्तर रत्नमालिका

kutra viSham duShTajane kimih ashaucham bhaved RuNam nRuNam ।
kimabhayam iha vairAgyam bhayamapi kim vittameva sarveShAm ॥

- prashnottara ratnamAlikA

Where is poison? In the mind of a rogue. What is unclean? A man who is under debt. What gives you protection? Lack of greed is the best protection. What is the greatest cause of fear? Possessing wealth; One is always under the fear of losing it.

- Prashnottara Ratnamalika, Wealth

भामिनीविलास - दुर्वासना

किं तीर्थं? हरिपादपद्मभजनं किं रत्नं? अच्छा मतिः
किं शास्त्रं? श्रवणेन यस्य गलति द्वैतांधकारोदयः ।
किं मित्रं? सततोपकाररसिकं तत्त्वावभोधः सखे
कः शत्रुर्वद खेददानकुशलो दुर्वासनानां चयः ॥

- भामिनीविलास

kim tIrtham? hari pAda padma bhajanam. kim ratnam? achChA matiH
kim shAstram? shravaNena yasya galati dvaita andhakArodayaH ।
kim mitram? satata upakAra rasikaM tattva avabhodaH sakhe
kaH shatruH vada khedadAnakushalaH durvAsanAnAm cayaH ॥

- bhAminIvilAsa

Which is a pilgrim place? Wherever people are worshiping the lotus like foot of the Lord. What is a gem? A pure mind. What are the scriptures? Anything, by listening which we get a unified view of the world and get rid of the darkness created by our differentiating mind. Who is a friend? he who is always ready to help and keeps us moral by giving out useful advice. Who is an enemy? He who specializes in giving out worries and bad habits.

- Bhaminivilasa

पञ्चतंत्र - मित्रसंप्राप्ति - संपदः क्षणभंगुराः

कायः सन्निहितापायः संपदः क्षणभंगुराः ।
समागमाः सापगमाः सर्वेषामेव देहिनाम् ॥

- पञ्चतंत्र - मित्रसंप्राप्ति

kAyaH sannihita ApayaH saMpadaH kShaNabhanguraH ।
samAgamAH sApagamAH sarveShAmeva dehinAm ॥

- panchatantra, mitrasamprApti

The body will be destroyed in time by death. Wealth lasts for a second. All the things attached to this body are bound to be destroyed in time.

- Panchatantra, Mitrasamprapti

भजगोविन्द स्तोत्र

कामं क्रोधं मोहं लोभं त्यक्त्वात्मानं भावय कोऽहं ।
आत्मज्ञानविहीन मूढास्ते पच्यन्ते नरकनिगूढाः ॥

- भजगोविन्द स्तोत्र

kAmam krodhaM moham lobhaM tyaktvA AtmAnam bhAvaya ko aham ।
AtmajnAna vihIna mUDhAH te pachyante narakanigUDhAH ॥

- bhajagovinda stotra

Give up lust, anger, attachement and greed. Stop and ask yourself "Who am I?". People without that knowledge will suffer in all kinds of hell.

- Bhajagovinda Stotra

समयोचितपद्यमालिका - क्षमा

क्षमा धनुः करे यस्य दुर्जनः किं करिष्यति ।
अतृणे पतितो वह्निः स्वयमेवोपशाम्यति ॥

- समयोचितपद्यमालिका

kShamA dhanuH kare yasya durjanaH kiM kariShyati ।
atRuNe patito vahniH svayameva upashamyate ॥

- samayochitapadyamAlikA

If one is armed with patience, no wicked person can harm him. Fire that falls were there is no dry grass dies on its own.

- Samayochitapadyamalika

विष्णु पुराण - शरीर

क्व शरीरमशेषाणां श्लेषादीनां महाचयः ।
क्व कान्तिशोभासौन्दर्यरमणीयादयो गुणाः ॥

- विष्णु पुराण

kva sharIram ashEShANAm shleShAdInAM mahAchayaH ।
kva kAnti shobhA saundarya ramaNIya Adayo guNAH ॥

- viShNu purAna

On one side we have this body that has lot of impurities and imperfections. On the other side we have adjectives like - brilliance, distinguish merit, beauty, enchanting and so on. The two are worlds apart.

- Vishnu purana

जीवन्मुक्तानंदलहरी - व्यामोह

कदाचित् प्रसादे क्वचिदपि च सौधेषु धनिनां
    कदाचित् शैलेषु क्वचिदपि च कूलेषु सरिताम् ।
कुटीरे दान्तानां मुनिजनवराणामपि वसन्
    मुनिर्न व्यामोहं भजति गुरुदीक्षाक्षततमाः ॥

- जीवन्मुक्तानंदलहरी

kadAchit prasAde kvachidapi ca saudheShu dhaninAm
    kadAchit shaileShu kvachidapi ca kUleShu saritAm ।
kuTIre dAntAnAm munijana varAnAmapi vasan
    munirna vyAmoham bhajati gurudIkShAkShatatamAH ॥

- jIvanamuktAnandalahari

They live sometimes in the palace of a king, in the houses of rich people, on mountain top, on river banks with cool water by their side, among the huts of other mendicants and saints. In spite of seeing so much the minds of the saints are unmoved by the comforts and luxury. This must be due to the learnings on detachment they got from their teachers.

- Jivanamuktanandalahari

विष्णुपुराण - कर्म

कः केन हन्यते जन्तुर्जन्तुः कः केन रक्ष्यते ।
हन्ति रक्षति चैवात्मा ह्यसत्साधु समाचरन् ॥

- विष्णुपुराण

kaH kena hanyate jantuH jantuH kaH kena rakShyate ।
hanti rakShati chaiva AtmA hi sat asAdhu samAcharan ॥

- viShNupurANa

Who can kill any one? Who can save any one from being killed? To kill, or to be saved from being killed are all results of one's own actions.

- Vishnupurana

स्वप्नवासवदत्त - मृत्यु

कः कं शक्तो रक्षितुं मृत्यु काले
    रज्जुच्छेदे के घटं धारयन्ति ।
एवं लोकस्तुल्यधर्मो वनानां
    काले काले छिद्यते रुह्यते च ॥

- स्वप्नवासवदत्त

kaH kam shakto rakShitum mRutyu kAle
    rajjut Chede ke ghaTaM dhArayanti ।
evam lokaH tulya dharmo vanAnAm
     kAle kAle Chidyate ruhyate ca ॥

- svapnavAsavadatta

Who can help any one at the time of death? Can any one pull a pot from the well when the rope is broken? There is the same rule in the world of people as well as in the forest. Old trees fall down, young ones grow tall.

- Svapnavasavadatta

सुभाषितसुधानिधि - संयम

एकस्यापि न यः शक्तो मनसः संनिबर्हणे ।
महीं सागरपर्यंतां स कथं विजिगीषते ॥

- सुभाषितसुधानिधि

ekasyApi na yaH shakto manasaH samnibarhane ।
mahI sAgara paryantAm sa katham vijigIShate ॥

- subhAShitasudhAnidhi

If one can not control one thing - his own mind, then how can he hope to conquer the whole world surrounded by seas.

- Subhashitasudhanidhi

महाभारत - उद्योग - क्षमा

एकः क्षमावतां दोषो द्वितीयो नोपपद्यते
    यदेनं क्षमया युक्तमशक्तं मन्यते जनः ।
सोऽस्य दोषो न मन्तव्यः क्षमा हि परमं बलं
    क्षमा गुणो ह्यशक्तानां भूषणं क्षमा ॥

- महाभारत, उद्योग

ekaH kShamAvatAM doSho dvitIyo nopapadyate
    yadenam kShamayA yuktam ashaktam manyate janaH ।
so asya doSho na mantavyaH kShamA hi paramam balaM
    kShamA guNo hi ashaktAnAM bhUShaNam kShamA ॥

- mahAbhArata, udyoga

People who forgive have one and only one drawback - people see them as lacking abilities (the sting). In fact, you can not hold it against them. Forgiveness is not a weakness, it is the greatest strength. It is a noble quality when found in the weak; a decoration (ornament) when found in the mighty.

- Mahabharata, Udyoga

सुभाषितसुधानिधि - इन्द्रियाणि

इन्द्रियाण्येव तत्सर्वं यत्स्वर्गनरकाविभौ ।
निगृहीतविसृष्टानि स्वर्गाय नरकाय च ॥

- सुभाषितसुधानिधि

indriyANi eva tat sarvaM yat svarga narakA vibhau ।
nigRuhIta visRuShTAni svargAya narakAya ca ॥

- subhAShitasudhAnidhi

The key to heaven or hell is in how we manage our senses. If you let them take control of you then it is hell. If you control them then it is heaven.

- Subhashitasudhanidhi

मनुस्मृति - प्रजापालन

इन्द्रियाणां जये योगं समातिष्ठेद्दिवानिशम् ।
जितेन्द्रियो हि शक्नोति वशे स्थापयितुं प्रजाः ॥

- मनुस्मृति

indriyANAM jaye yogaM samAtiShThet divA nisham ।
jitendriyo hi shaknoti vashe sthApayituM prajAH ॥

- manu smRuti

A king must practice to keep his senses under control at all times - day and night. Only one who can win over his senses can rule over the subjects effectively.

- Manu Smriti

मनुस्मृति - इन्द्रियाणि

इन्द्रियाणां प्रसंगेन दोषमृच्छत्यसंशयम् ।
संनियम्य तु तान्येव ततः सिद्धिं नियच्छति ॥

- मनुस्मृति

indriyANAm prasangena doShamRucChati asamshayam ।
saniyamya tu tAnyeva tataH siddhiM niyacChati ॥

- manu smRuti

When you listen to your senses alone, you are bound to commit sin that goes against dharma. On the other hand, if you control them you will definitely attain realization.

- Manu Smriti

मनुस्मृति - इंद्रियाणि

इन्द्रियाणां विचरतां विषयेष्वपहारिषु ।
संयमे यत्नमातिष्ठेद्विद्वान् यंतेव वाजिनाम् ॥

- मनुस्मृति

indriyANAm vicharatAm viShayeShu apahAriShu ।
saMyame yatnam AtiShThed vidvAn yanteva vAjinAm ॥

- manu smRuti

Our senses are like horses that pull the chariot to different directions. Just like a charioteer, a wise man must keep them under control to be able to proceed forward.

- Manu Smriti

रामायण - युद्ध - इन्द्रिय निग्रह

इन्द्रियाणि पुरा जित्वा त्रिभुवनं त्वया ।
स्मरद्भिरिव तद्वैरमिन्द्रियैरेव निर्जितः ॥

- रामायण, युद्ध

indriyANi purA jitvA tribhuvanaM tvayA ।
smaradbhiH iva tad vairam indriyaiH eva nirjitaH ॥

- rAmAyaNa, yuddha

At one time you had overcome your senses and conquered the three worlds. Today, as if a revenge, the same senses have got you by their grip and caused your defeat (and death). [As told by Mandodari to Ravana after his death]

- Ramayana, Yuddha

शिवापराध क्षमापणस्तोत्र - आयुः

आयुर्नष्यति पश्यतां प्रतिदिनं याति क्षयं यौवनं
प्रत्ययान्ति गताः पुनर्न दिवसाः कालो जगद्भक्षकः ।
लक्ष्मीस्तोयतरंगभंगचपला विद्युच्चलं जीवितं
तस्मान्मां शरणागतं करुणया त्व रक्ष रक्षाधुना ॥

- शिवापराध क्षमापणस्तोत्र

AyuH naShyati pashyatAm pratidinaM yAti kShayaM yauvanam
pratyayAnti gataH punaH na divasAH kAlo jagadbhakShakaH ।
lakShmIH toya taranga bhanga chapalA vidyucchalaM jIvitam
tasmAn mAm sharaNAgatam karuNayA tva rakSha rakSha adhunA ॥

- shivAparAdha kShamApaNa stotra

Lifetime erodes every day right in front of our eyes. Youth is always decreasing. Days that go past can never be got back. In time everything gets destroyed. Wealth is as temporary and fickle as a wave on water front. Life itself is as short as a lightning. So, I have come to your refuge. Please save me today.

- Shivaparadha Kshamapana Stotra

प्रबोधसुधाकर - आयुः

आयुःक्षणलवमात्रं न लभ्यते हेमकोटिभिः क्वापि ।
तच्चेद्गच्छति सर्वं मृषा ततः काऽधिका हानिः ॥

- प्रबोधसुधाकर

AyuH kShaNalavamAtraM na labhyate hemakoTibhiH kvapi ।
tacchet gacChati mRuShA tataH kA adhikA hAniH ॥

- prabodhasudhAkara

Even if you are ready to give crores and crores of gold coins, you can not extend your lifetime even by a fraction of a second. Life is so precious. If one is wasting such a precious life, then there is no bigger loss than that.

- Prabodhasudhakara

हितोपदेश - सन्धि - अधर्म

आधिव्याधिपरितापादद्य श्वो वा विनाशिने ।
को हि नाम शरीराय धर्मापेतं समाचरेत् ॥

- हितोपदेश, सन्धि

Adhi vyAdhi paritApAt adya shvaH vA vinAshine ।
ko hi nAma sharIrAya dharmApetaM samAcaret ॥

- hitopadesha, sandhi

This nameless body is destined to be destroyed by illness - of body or mind. It's only a matter of today or tomorrow. Why should one do any thing against dharma (moral code of life) for the sake of this body?

- Hitopadesha, Sandhi